Vladimir Putin dhe Donald Trump absolutisht nuk do të lejojnë konfrontim të armatosur mes Rusisë dhe SHBA-ve, tha për RIA Novosti, ministri i jashtëm Sergei Lavrov.

“Duke folur për rreziqet e konfrontimit ushtarak, jam 100 për qind i sigurt që të dy ushtritë nuk do të lejojnë këtë, dhe natyrisht as presidentët Putin apo Trump”, tha Lavrov, transmeton portali arbresh.info.

“Fundja ata janë udhëheqës, të zgjedhur nga popujt e tyre dhe janë përgjegjës për paqen e tyre”, citohet të ketë thënë ministri i jashtëm rus.

Mes përkeqësimit të marrëdhënieve ndërmjet Moskës dhe Uashingtonit, Lavrov sinjalizoi se ka përpjekje për të lehtësuar nyjën. Në veçanti, ministri i jashtëm njoftoi se presidenti i SHBA ftoi homologun e tij rus në Uashington gjatë një telefonate. Trump tha se do të ishte “i gatshëm të shihte [Putin] në Shtëpinë e Bardhë” dhe më pas shtoi se “do të ishte i lumtur të bënte një vizitë reciproke [në Moskë]”, deklaroi Lavrov./Arbresh.info/